Entroido

Tras varias semanas de traballo, por fin podemos desfrutar das nosas creacións, feitas todas reutilizando materiais. Sardiñas, baleas, polbos, redes, buzos, submarinos e incluso o mesmísimo Rainbow Warrior cos seus activistas, inundaron o cole nun día de troula e merenda en familia.

Día da paz

Este ano, no día da Paz, quixemos facer unha pequena homenaxe a unha persoa que loitou e deixou un gran legado con respecto ao coidado do noso medio: Félix Rodríguez de la Fuente.

O cole púxose a investigar a este increíble naturista que adicou gran parte da súa vida a dar a coñecer a riqueza natural do noso planeta. Un dos medios empregados para facer pedagoxía ecolóxica foi o seu famoso programa de televisión: El hombre y la tierra. No día da posta en común das investigación visionamos un dos seus capítulos.

Mar

Esta exposición ubicarase no primeiro andar e estará dispoñoible todo o curso xa que será o banco de recursos para o proxecto MAR NEGRO, MAR BRANCO.

Casa dos peixes

Este venres fixemos a nosa primeira saída do curso. Está relacionada co proxecto MAR NEGRO, MAR BRANCO, xa que tocou visitar a Casa dos Peixes de A Coruña. É un lugar onde o alumnado sempre disfruta moito e aprende cousas fascinantes do mundo mariño.
Os maiores, en cambio, tiveron o primeiro contacto co Proxecto Cinema en curso. A cita tivo lugar no CGAI-FILMOTECA deGalicia, onde coñecimos aos asesores da actividade e ao alumnado doutros coles que participa neste mesmo programa. Visionamos os primeiros travellings e conversas e, sobre todo, tomamos contacto con moitos termos do Cinema. Levamos as pilas moi cargadas para poder iniciar a actividade.